ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

អាស៊ានប្រាប់មីយ៉ាន់ម៉ាឱ្យត្រៀមទទួលប្រេសិតពិសេសដែលនឹងធ្វើនៅពេលឆាប់ខាងមុខ

  • ចុះផ្សាយថ្ងៃទី០២ ខែកុម្ភៈ ឆ្នាំ២០២២ ម៉ោង ១៩:៥៥ នាទី ដោយ Hun Sirivadh
  • 2599
  Aa |   aA

ភ្នំពេញ៖ ប្រធានអាស៊ានឆ្នាំ២០២២ បានចេញសេចក្ដីថ្លែងការណ៍មួយនៅថ្ងៃនេះបញ្ជាក់ពីការគាំទ្ររបស់ប្រទេសជាសមាជិកអាស៊ានចំពោះលោកឧបនាយករដ្ឋមន្ត្រី ប្រាក់ សុខុន ជាប្រេសិតពិសេសប្រធានអាស៊ានអំពីប្រទេសមីយ៉ាន់ម៉ា និងប្រាប់ឱ្យមីយ៉ាន់ម៉ាឱ្យរៀបចំឱ្យមានដំណើរទស្សនកិច្ចប្រេសិតពិសេសឱ្យបានឆាប់ដើម្បីឱ្យកុងសង់ស៊ីសទាំង៥ចំណុចរបស់អាស៊ានអាចអនុវត្តបានឆាប់។

ប្រធានអាស៊ាន បានបញ្ជាក់ថាក្នុងរយៈពេល១ឆ្នាំមកហើយដែលសមាជិកអាស៊ាននៅតែមានការព្រួយបារម្ភពីស្ថានភាពអំពើហិង្សា និងបញ្ហាជំនួយមនុស្សធម៌ដល់ប្រទេសនេះ។ ដោយបានបញ្ជាក់ឡើងវិញនូវការប្ដេជ្ញាត្រៀមខ្លួនជួយដល់ប្រទេសមីយ៉ាន់ម៉ា ដោយឈរលើកុងសង់ស៊ីសទាំងប្រាំ ចំណុចនិងធម្មនុញ្ញអាស៊ាន ជាមួយនឹងការយល់ដឹងថាសន្ដិភាពយូរអង្វែង និងការផ្សះផ្សាជាតិអាចសម្រេចបានតែតាមរយៈដំណោះស្រាយនយោបាយរួមរបស់មីយ៉ាន់ម៉ាប៉ុណ្ណោះ។

ក្នុងសេចក្ដីថ្លែងការណ៍នោះបានលើកឡើងថា៖ «ប្រទេសជាសមាជិកអាស៊ានសូមស្វាគមន៍ចំពោះការតែងតាំងឯកឧត្តម ប្រាក់ សុខុន ជាប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា និងអំពាវនាវដល់អាជ្ញាធរមីយ៉ាន់ម៉ាជួយសម្រួលដល់បេសកកម្មនានានៃប្រសិតប្រធានរបស់អាស៊ាន ដែលនឹងចាប់ផ្តើមដំណើរទស្សនកិច្ចជាលើកដំបូងទៅកាន់ប្រទេសមីយ៉ាន់ម៉ាក្នុងពេលដ៏ឆាប់តាមដែលអាចធ្វើទៅបាន ដើម្បីជួបជាមួយគ្រប់ភាគីពាក់ព័ន្ធសំដៅធ្វើឱ្យការអនុវត្តន៍កុងសង់ស៊ីសទាំង៥ចំណុចឈានទៅមុខ»។

កិច្ចព្រមព្រៀងជាឯកច្ឆន្ទ៥ចំណុចរបស់អាស៊ានសម្រាប់ប្រទេមីយ៉ាន់ម៉ា មានដូចជាតម្រូវឱ្យបញ្ឈប់នូវអំពើហិង្សា បង្កើតនូវការសន្ទនាគ្រប់ភាគី ទទួលយកការសម្របសម្រួលរបស់បេសកជនពិសេសអាស៊ាន ការផ្ដល់ជំនួយមនុស្សធម៌ និងអនុញ្ញាឱ្យបេសកជនពិសេសទៅបំពេញទស្សនកិច្ចនៅក្នុងប្រទេសមីយ៉ាន់ម៉ា។

ក្នុងដំណើរទស្សនកិច្ចរបស់សម្ដេចតេជោ ហ៊ុន សែន ទៅមីយ៉ាន់ម៉ាកាលពីថ្ងៃទី៧ និង៨ខែមករា លោក មីន អោងលាំង បានសន្យានឹងសម្ដេចថារដ្ឋាភិបាលយោធាមីយ៉ាន់ម៉ានឹងពន្យាបទឈប់បាញ់រហូតដល់ដំណាច់ឆ្នាំ២០២២ សម្រួលដំណើរការទទួលយកជំនួយពីអាស៊ាន ព្រមទាំងសម្របសម្រួលឱ្យប្រេសិតពិសេសអាស៊ានក្នុងដំណើរទស្សនកិច្ចមកមីយ៉ាន់ម៉ាឱ្យបានទៅជួបជាមួយភាគីពាក់ព័ន្ធទាំងអស់នៃជម្លោះក្នុងប្រទេសរួមទាំងអង្គការប្រដាប់អាវុធជនជាតិភាគតិចផងដែរ។

បន្ថែមពីលើការសន្យានេះ កាលពីថ្ងៃទី២៦ ខែមករា ឆ្នាំ២០២២ សម្ដេចតេជោ ហ៊ុន សែន បានរម្លឹកដល់លោក មីន អោងលាំង ជាថ្មីឱ្យរក្សានូវភាពអត់ធ្មត់និងគោរពការសន្យារបស់ខ្លួនក្នុងការអនុវត្តន៍កិច្ចព្រមព្រមព្រៀងជាឯកច្ឆ័ន្ទទាំង៥ចំណុចរបស់អាស៊ាន៕


ព័ត៌មានជាច្រើនទៀតសម្រាប់អ្នក